Hjólreiðaferð

Í þessari 3 til 4 klukkustunda ferð förum við þvert í gegnum borgina og sjáum helstu kennileiti borgarinnar af hjóli.

Lengd:

3 til 4 klukkustundir

Verð:

50 € á mann (að viðbættum kostnaði við leigu á hjóli, sirka 10-14 €).
Börn yngri en 14 ára: 25 € og einungis fyrir hjólið.

Bóka ferð

„Okkur langar að þakka ykkur kærlega fyrir ferðirnar með ykkur, við höfum ekki talað um annað en hvað þessar ferðir voru skemmtilegar og fróðlegar, við sáum mest eftir því að hafa ekki farið í Múrtúrinn líka, en hann verður bara tekinn næst!“

Amalía Berndsen,
gestur í Sælkeraferð og Hjólreiðarferð í maí 2015

Í hjólreiðarferðinni er hjólað þvert í gegnum borgina. Þar sem Berlín er mjög stór að flatarmáli getur verið erfitt að fá yfirsýn yfir borgina en í hjólreiðarferðinni gefst þó tækifæri til að átta sig aðeins á hverfunum, helstu kennileitunum eins og Brandenburgarhliðinu, þinghúsinu eða minnismerkinu um helför Gyðinga. Að ógleymdri þeirri dásemd sem það að hjóla í gegnum Tiergarten, græna lunga Berlínar og helsta útisvæði vestur Berlínar á tímum skiptingar borgarinnar.

Bóka ferð